Kundër propozimeve të Trump për shkëmbime, Kievi refuzon t’i lëshojë territoret Rusisë 09/08 16:50
I dërguari special i Presidentit të SHBA-së, Donald Trump për Lindjen e Mesme, Steve Witkoff, do të takohet sot në Spanjë me kryeministrin e Katarit për të diskutuar një plan për t’i dhënë fund luftës në Gaza dhe për të liruar pengjet izraelite, sipas Axios.
Plani pritet t’i paraqitet Izraelit dhe Hamasit brenda dy javëve të ardhshme, sipas një burimi të përfshirë në bisedime, shtoi Axios.
Një zyrtar anonim izraelit i përfshirë gjithashtu në bisedime tha se, ndërsa Jerusalemi nuk ka problem me përpjekjet për të arritur një marrëveshje gjithëpërfshirëse, “hendeku midis Izraelit dhe Hamasit në lidhje me përfundimin e luftës është i madh, kështu që të flasësh për një marrëveshje gjithëpërfshirëse ka të ngjarë të jetë e pakuptimtë në këtë fazë”.
Shtëpia e Bardhë nuk pranoi të komentojë mbi raportin.
Bisedimet vijnë pasi kabineti izraelit miratoi një plan të enjten për të pushtuar plotësisht Qytetin e Gazës, një veprim që ka ngjallur shqetësim tek ndërkombëtarët.
Top Channel
