Zelensky reagon pas takimit të të dërguarit të posaçëm të SHBA-së me Putin: Rusia duket më e gatshme për armëpushim, por… 06/08 21:00
Drejtësia argjentinase ka nisur një hetim penal ndaj një burri të dyshuar për vrasjen dhe copëtimin e të paktën 5 personave në shtëpinë e tij, tha zyra e prokurorit në provincën veriperëndimore të Jujuy për AFP të martën.
I dyshuari, 37 vjeç, përballet me akuza për “vrasje seriale” “me rrethana rënduese” pasi ai tregoi “mizori”. Ai tani është lënë në paraburgim.
Hetimi ka të bëjë me vrasjen e të paktën pesë personave që ishin zhdukur. Pas analizimit të pamjeve nga sistemet e mbikëqyrjes, hetimi u përqendrua në shtëpinë e autorit të dyshuar, ku u gjetën “kocka, gjak, copa lëkure” dhe madje edhe “një hundë njerëzore”, tha për AFP prokurori i përgjithshëm në Jujuy, Sergio Leyo Sanchez.
🚨 Jujuy: detuvieron a un presunto asesino serial
Habría asesinado a 5 personas en situación de calle
📺 Sumate al vivo por #C5N y en https://t.co/9fxDe5JViU pic.twitter.com/jVGiNhcIdH
— C5N (@C5N) August 4, 2025
Në pronën që u kontrollua, një adoleshent 16-vjeçar, i cili u prezantua si nipi i pronarit, dyshohet se u tha oficerëve të policisë: “Dua të flas, dua të them se çfarë ka ndodhur”, sipas prokurorit që merret me çështjen, Guillermo Beyer, i cili foli për agjencinë e lajmeve A24.
Ai tha se xhaxhai i tij “dilte të premteve pas drekës dhe kthehej në mbrëmje me njerëz të ndryshëm. Me sa duket, ai u ofronte punë dhe pastaj i ftonte të pinin diçka në shtëpinë e tij”.
“Unë largohesha sepse e dija që po ndodhnin gjëra të këqija. Ai i rrihte, i vriste, i priste në copa, i digjte dhe i hidhte jashtë në qese plehrash”, tha 16-vjeçari.
Sipas Lejos Sánchez, viktimat “ishin njerëz të pastrehë, që endeshin rrugëve” dhe shumica e tyre të moshuar.
Hetimi aktualisht është përqendruar në “analizimin e mbetjeve të dyshuara njerëzore” dhe “mbledhjen e materialit biologjik nga të afërmit e të zhdukurve për të bërë krahasime të ADN-së”, shpjegoi prokurori i përgjithshëm.
Top Channel
