Dikur Kina ndëshkonte prindërit për fëmijë të shumtë, sot në krizë popullsie! Ofron para për çiftet që të krijojnë familje

Por ardhja e saj shkaktoi një borxh të madh për familjen, pasi prindërit e tij u gjobitën me 100,000 yuan (rreth 13,900 dollarë) për lindjen e fëmijës së dytë, ndëshkim i përshtatur me politikën strikte që ndalonte lindjet e tepërta.

Ndërsa dikur qeveria kineze ndëshkonte çiftet për fëmijë të shumtë, sot ajo po përpiqet t’i nxisë të rinjtë të kenë më shumë fëmijë, duke ofruar subvencione prej 3,600 yuan (rreth 500 dollarë) në vit për çdo fëmijë deri në moshën tre vjeç. Por për shumë të rinj, përfshirë edhe Zane Li, kjo ndihmë financiare është thjesht simbolike dhe nuk mjafton për t’i motivuar të krijojnë familje.

Kostoja mesatare për rritjen e një fëmije deri në moshën 18 vjeç në Kinë është rreth 538,000 yuan (rreth 75,000 dollarë), shumë më tepër sesa të ardhurat mesatare, dhe në qytete si Shanghai dhe Pekin kjo shifër arrin mbi një milion yuan.

Shumë të rinj shprehin shqetësime të thella për perspektivat e tyre ekonomike, papunësinë dhe presionet shoqërore, duke u përballur me konkurrencën e ashpër për punë dhe çmime të larta të banesave, që i bëjnë të hezitojnë për martesën dhe fëmijët.

Megjithë lehtësimet e politikave familjare në vitet e fundit, përfshirë heqjen e kufizimit të një fëmije në vitin 2016 dhe lejen për tre fëmijë në 2021, numri i lindjeve vazhdon të bjerë, dhe popullsia kineze po zvogëlohet për herë të tretë radhazi.

Ekspertët paralajmërojnë se përveç ndihmave financiare, duhet të ndryshojnë edhe kushtet shoqërore dhe kulturore, duke përfshirë mbështetjen për gratë në punë dhe familje, siç janë pushimet për baballarët, fleksibiliteti në punë dhe mbrojtja nga diskriminimi, përndryshe shkalla e lindshmërisë do të vazhdojë të ulet.

Në sfond, shumë të rinj e shohin krijimin e familjes si një barrë të rëndë, jo vetëm financiare, por edhe emocionale dhe sociale, duke e parë atë si një “kurth” që nuk garanton një jetë më të mirë për fëmijët e tyre.

Top Channel