Shtëpia e Bardhë shpërthen ndaj Politico-s pas artikullit për të dërguarin special të Trump, Vance: Gazetari e dobët dhe operacion me ndikim të huaj 29/08 23:01
India ka reaguar në lidhje me kërcënimin e Donald Trump për tarifa më të larta për blerjen e naftës nga Rusia, duke e quajtur “të pajustifikuar dhe të paarsyeshëm”.
Në një postim në Truth Social, presidenti amerikan paralajmëroi se do të rriste taksat, duke thënë se Indisë “nuk i intereson se sa njerëz në Ukrainë po vriten nga Makineria Ruse e Luftës”.
Trump nuk specifikoi se cila do të jetë tarifa e re, por ajo vjen vetëm disa ditë pasi ai zbuloi një taksë të madhe prej 25% ndaj Indisë.
Në një deklaratë, një zëdhënës i ministrisë së jashtme të Indisë, Randhir Jaiswal, tha se SHBA-të e kishin inkurajuar Indinë të importonte gaz rus në fillim të konfliktit, “për forcimin e stabilitetit të tregjeve globale të energjisë”.
Ai tha se India “filloi të importojë nga Rusia sepse furnizimet tradicionale u devijuan në Evropë pas shpërthimit të konfliktit”.
India gjithashtu kritikoi SHBA-në – partnerin e saj më të madh tregtar, për futjen e tarifave, kur vetë SHBA-ja ende bën tregti me Rusinë. Vitin e kaluar, SHBA-ja tregtoi mallra me vlerë rreth 3.5 miliardë dollarë me Rusinë, pavarësisht sanksioneve dhe tarifave të ashpra.
“Ashtu si çdo ekonomi e madhe, India do të marrë të gjitha masat e nevojshme për të mbrojtur interesat e saj kombëtare dhe sigurinë ekonomike. Synimi i Indisë është i pajustifikuar dhe i paarsyeshëm”, thuhet në deklaratën e ministrisë së jashtme.
India është aktualisht ndër blerësit më të mëdhenj të naftës ruse. Ajo është bërë një treg i rëndësishëm eksporti për Moskën pasi disa vende evropiane ndërprenë tregtinë kur Rusia nisi pushtimin e saj në shkallë të plotë të Ukrainës në vitin 2022.
Top Channel
