Pse trupi i njeriut “Shkëlqen” kur gënjejmë? Si kamerat Infra të Kuqe zbulojnë të vërtetën 23/08 20:47
Teksa vraponi pas produktivitetit, stimujve të pafund dhe kalendarëve të mbushur, ndjenja e mërzisë shihet shpesh si një “armik”.
Por në të vërtetë, mërzia është një sinjal i heshtur nga trupi dhe mendja që ka ardhur koha të ndalesh. Jo për t’u dorëzuar, por për të dëgjuar veten.
Shumica prej nesh, sapo ndiejnë qoftë edhe një grimë mërzie, kërkojnë shpëtim në telefon, në ndonjë seri në Netflix, ose në një plan të ri. Dhe megjithëse këto janë mënyra të zakonshme për të shpëtuar nga boshllëku, ato nuk na ndihmojnë ta kuptojmë pse e ndjejmë këtë boshllëk.
Mërzia është shpesh një derë drejt kreativitetit. Artistët më të mëdhenj të historisë nuk krijuan mes zhurmës dhe shpejtësisë, ata u ulën në qetësinë e tyre, shpesh të lodhur, pa frymëzim, derisa mërzia u dha formë mendimeve të reja. Ajo çka ndjejmë si mërzi mund të jetë thjesht një ftesë për reflektim:
A je aty ku do të jesh në jetë? A të mbushin ditët e tua apo thjesht po kalojnë njëra pas tjetrës? A ka diçka që ke shtyrë, sepse nuk ke pasur guximin ta mendosh?
Lejoje veten të mërzitet. Ulu pa asgjë në dorë. Dil për një shëtitje pa kufje në vesh. Lëri mendimet të vinë pa frikë. Ndoshta në atë boshllëk do të gjesh përgjigje që ke kohë që i kërkon. Ose, thjesht do të pushosh nga rrëmuja. Mërzia nuk është mungesë përmbajtjeje. Është një ftesë për t’u kthyer tek vetja. Dhe ndonjëherë, kjo është ajo që kemi më shumë nevojë./Tar
Top Channel
