Nuk ka përballje Putin-Zelensky deri sa të bihet dakord për axhendën, ministri i jashtëm rus: Takohemi kur… 22/08 14:45
Shtetet e Bashkuara do t’u mohojnë vizat zyrtarëve të Autoritetit Palestinez, duke akuzuar organin që qeveris pjesë të Bregut Perëndimor të pushtuar nga Izraeli se po përpiqet të “ndërkombëtarizojë” situatën, raporton AFP.
Organizata po “ndërmerr veprime për të ndërkombëtarizuar konfliktin e saj me Izraelin, si p.sh. përmes Gjykatës Ndërkombëtare Penale (GJPN) dhe Gjykatës Ndërkombëtare të Drejtësisë (GJND)”, tha Departamenti i Shtetit, duke akuzuar gjithashtu Autoritetin Palestinez për “vazhdimin e mbështetjes së terrorizmit”.
Deklarata nuk specifikoi se kush po shënjestrohej, duke thënë vetëm se do t’u “mohonte vizat” “anëtarëve” të Organizatës Çlirimtare të Palestinës dhe “zyrtarëve” nga Autoriteti Palestinez (AP).
Masat kundër AP-së, udhëheqësi i së cilës Mahmoud Abbas është njohur gjerësisht për vite me radhë si një partner kyç në përpjekjet për të zgjidhur konfliktin, vijnë në një kohë kur një numër gjithnjë e në rritje vendesh po shqyrtojnë njohjen e një shteti palestinez.
Kanadaja dhe Franca janë ndër vendet e fundit që njoftuan se do të japin njohje gjatë takimit të Asamblesë së Përgjithshme të OKB-së, i cili zhvillohet në shtator në Nju Jork.
Refuzimet e vizave nga SHBA-ja mund ta ndërlikojnë pjesëmarrjen në takim nga udhëheqësit palestinezë.
Top Channel
