Meksika kërkon riatdhesimin e shtetasve të saj nga “Alcatrazi me aligatorë” në SHBA 30/07 22:50
Një tërmet i fuqishëm me magnitudë 8.8 i shkallës Rihter goditi Gadishullin Kamchatka në lindje të Rusisë, të mërkurën në mëngjes, në orën 01:35 sipas kohës tonë.
Sipas Shërbimit Gjeologjik të Shteteve të Bashkuara (USGS), epiqendra e tërmetit ndodhej 131 kilometra në juglindje të qytetit Petropavlovsk-Kamchatsky. Fillimisht, USGS e kishte vlerësuar tërmetin me magnitudë 8.0, por më vonë e përditësoi në 8.8. Ndërkohë, Qendra Sizmologjike Euro-Mesdhetare (EMSC) raportoi një magnitudë prej 7.6 ballë sipas shkallës Rihter.
Tërmeti ishte i cekët, me thellësi 19.3 kilometra, dhe u ndje në të gjithë Gadishullin Kamchatka. Ekipet e emergjencës ndodhen në gatishmëri ndërsa situata evoluon.
Ministria Ruse e Emergjencave njoftoi se një cunami me lartësi 3 deri në 4 metra është regjistruar tashmë në disa pjesë të rajonit. Pamjet filmike tregojnë valët që arrijnë në qytetin Petropavlovsk-Kamchatsky, pas goditjes së tërmetit.
Vendndodhja e tërmetit pranë Gadishullit Kamchatka, një zonë sizmikisht aktive, ka ngjallur shqetësim për pasoja të mundshme. Ky rajon është i njohur për tërmete të mëdha, përfshirë edhe atë të vitit 1952 me magnitudë mbi 8.0, në përputhje me të dhënat e USGS për kufijtë tektonikë të pllakave.
Whoahhh! Another video showing the M8.8 earthquake that hit off the coast of Kamchatka, Russia 😱👀
📹 Adventures in the Northern Kurils/tg pic.twitter.com/eCi6hcUHDV
— Volcaholic 🌋 (@volcaholic1) July 30, 2025
Paralajmërimet për cunami janë shtrirë gjithashtu në Japoni, Alaskë dhe ndoshta në Guam, për shkak të vendndodhjes së rajonit në të ashtuquajturën “Unaza e Zjarrtë e Paqësorit”, ku në vitin 2011 një tërmet me magnitudë 9.0 në Japoni shkaktoi valë cunami deri në 40 metra, sipas studimeve të botuara në Nature Geoscience.
🌊Tsunami Watch issued for the western U.S. coastline
🚨 Hawaii and Alaska are under a Tsunami Warning after a Magnitude 8.7 #earthquake hit eastern Russia.#USA #Kamchatka #Russia #Update https://t.co/GspICHMawr pic.twitter.com/uS9NFH8RGn
— ⚡️🌎 World News 🌐⚡️ (@ferozwala) July 30, 2025
Raportohet për disa të lënduar në Kamchatka, përfshirë një burrë që u hodh nga dritarja në panik dhe një grua në një aeroport rajonal, por sipas Ministrit të Shëndetësisë të rajonit, Oleg Melnikov, askush nuk ndodhet në gjendje të rëndë.
A video shows the tsunami already reaching Petropavlovsk-Kamchatsky, Kamchatka, Russia, following the massive earthquake pic.twitter.com/G3mLFUk5dn
— Faytuks Network (@FaytuksNetwork) July 30, 2025
Guvernatori rajonal i Kamchatkës, Vladimir Solodov, deklaroi se ky është tërmeti më i fuqishëm i regjistruar në dekada në këtë rajon. Sipas tij, nuk ka raportime për viktima, por një kopsht fëmijësh është dëmtuar.
Ndërkohë, guvernatori i Sakhalinit, Valery Limarenko, njoftoi se një qytet i vogël në Severo-Kurilsk është urdhëruar të evakuohet për shkak të kërcënimit nga cunami.
Vetëm dhjetë ditë më parë, më 20 korrik, një tërmet me magnitudë 7.4, i ndjekur nga disa lëkundje pasuese, ishte regjistruar në të njëjtin rajon, pa shkaktuar dëme të mëdha.
Gadishulli Kamchatka, i cili ndan Detin e Ohotskut nga Oqeani Paqësor, ndodhet në kryqëzimin e pllakave tektonike të Paqësorit dhe Amerikës së Veriut. Kjo e bën atë një nga rajonet më sizmikisht aktive në planet, dhe sipas USGS, një nga zonat më të prirura për tërmete në botë.
Top Channel
