Serbia dhe Kina përfundojnë stërvitjet e përbashkëta ushtarake 29/07 22:23
Atmosfera është e tensionuar në portin e Agios Nikolaos, Kretë, pas mbërritjes së anijes turistike “Crown Iris”, e cila transportonte rreth 1,500 pasagjerë nga Izraeli.
Banorët e zonës janë mbledhur në port si përgjigje ndaj thirrjes së Iniciativës së Solidaritetit për Popullin Palestinez, e cila kishte njoftuar një protestë paqësore dhe simbolike. Protestuesit mbanin flamuj palestinezë dhe banderola me slogane si “Ndal gjenocidit”, duke shprehur kështu solidaritetin e tyre me popullin palestinez. Në vendngjarje është varur edhe flamuri palestinez.
Policia dhe Roja Bregdetare janë në gjendje gatishmërie të lartë për të siguruar një zbarkim të qetë të turistëve, për të garantuar zhvillimin e kontrolluar të protestës. Forca shtesë nga pjesë të tjera të Kretës kanë ardhur në Agios Nikolaos për të përballuar situatën.
Sipas burimeve nga e-kriti.gr dhe creta24.gr, janë bërë tashmë arrestimet e para nga policia.
Paralajmërime nga autoritetet
Ministri i Mbrojtjes së Qytetarëve, Michalis Chrysochoidis, kishte paralajmëruar më herët se ngjarje të ngjashme me ato që ndodhën në ishullin Siros do të përballeshin me masa. Megjithë paralajmërimet, Iniciativa e Solidaritetit kishte bërë thirrje për një mobilizim masiv dhe paqësor.
Kujtojmë se edhe një ditë më parë, më 28 korrik, u regjistrua një protestë e ngjashme në portin e Rodosit kundër pranisë së të njëjtës anije, në vend.
Top Channel
