Trump mohon përfshirjen në dosjen Epstein, presidenti: Nëse do ekzistonte diçka inkriminuese, do e kishin publikuar kur kandidova 28/07 16:59
Partia e presidentit venezuelian Nicolas Maduro njoftoi sot se kishte arritur një fitore dërrmuese në zgjedhjet komunale, në të cilat opozita zgjodhi abstenimin masiv.
Kreu i shtetit tha në një fjalim se partia e tij, PSUV, fitoi në 285 komuna nga 335 që po votoheshin.
Sipas autoritetit zgjedhor – të cilin opozita e akuzon se vepron si një instrument i qeverisë së zotit Maduro – më shumë se gjashtë milionë votues hodhën votat e tyre, me një pjesëmarrje prej rreth 44%.
Sot shënohet përvjetori i rizgjedhjes së zotit Maduro në presidencë, të cilën as opozita dhe as qeveritë e Shteteve të Bashkuara dhe aleatëve të saj nuk e njohin.
Këshilli Kombëtar Zgjedhor (CNE) shpalli fituesin e garës, por nuk publikoi procesverbalin e plotë të numërimit, duke thënë se sistemet e tij kompjuterike u sulmuan nga hakerat, diçka që ekspertëve të ndryshëm nuk i duket bindëse.
Opozita ka pretenduar mashtrim dhe manipulim, duke pretenduar se fitoi kandidati i saj. Për këtë arsye, shumica e saj abstenoi edhe nga zgjedhjet legjislative të majit, kur partia e Presidentit Maduro fitoi 253 nga 286 vendet në lojë, sipas CNE-së.
Top Channel
