Maldivet ndalojnë pirjen e duhanit për këdo që ka lindur pas janarit 2007, bëhet vendi i vetëm në botë me një rregull të tillë 04/11 22:30
Policia në Cornwall, në juglindje të Anglisë, ka kërkuar falje për pretendimin se janë gjetur disa trupa në pyll gjatë një hetimi për vrasje.
Policia e Devonit dhe Cornwallit pranoi se vetëm trupi i një burri ishte gjetur në pyll dhe se nuk ishin gjetur mbetje të tjera.
Trupi besohet të jetë ai i 43-vjeçarit Daniel Coleman, për vrasjen e të cilit akuzohet një burrë 39-vjeçar. Coleman u vra diku midis 2 dhe 7 korrikut.
Komisionerja e Policisë Alison Hernandez kishte thënë më herët të premten se “trupa të shumtë” ishin gjetur në pyll pranë St Austell dhe se hetimet po vazhdonin për të përcaktuar numrin e tyre të saktë.
Në deklaratat e saj më të fundit, siç raportohet nga cornwallive.com, ajo e justifikoi veten duke thënë, ndër të tjera: “Duke u përpjekur të ndihmoja, iu përgjigja një pyetjeje në lidhje me këtë çështje, megjithatë, nuk isha plotësisht e informuar për detajet e hetimit. Kërkoj ndjesë për çdo shqetësim që mund të ketë shkaktuar kjo.”
Një zyrtar vuri në dukje se “aktualisht janë duke u zhvilluar tre hetime të ndara për vrasje në zonën e Cornwall. Mund të konfirmoj se ato po kryhen në mënyrë të pavarur nga njëra-tjetra dhe nuk besohet të jenë të lidhura”. Kjo ka të bëjë me rastin e një 50-vjeçari, trupi i të cilit u gjet më 1 korrik, si dhe një 30-vjeçari që u gjet i karbonizuar në një shtëpi që ishte djegur, ndoshta qëllimisht.
Top Channel
