Dy adoleshentë dënohen me burgim të përjetshëm në Britani për vrasjen e një 14-vjeçari në autobus 25/07 22:58
Gratë australiane që u detyruan t’i nënshtroheshin ekzaminimeve gjinekologjike pasi hipën në një fluturim të Qatar Airways për në Doha në vitin 2020 fituan sot një betejë ligjore, duke hapur rrugën për veprime ligjore kundër linjës ajrore.
Në vitin 2020, autoritetet e Katarit nxorën gratë nga 10 aeroplanë në Doha për t’iu nënshtruar ekzaminimeve invazive gjinekologjike , një incident që shkaktoi një protestë ndërkombëtare. Autoritetet e Katarit po kërkonin nënën e një foshnje të porsalindur që ishte gjetur e braktisur në një kosh tualeti në aeroport.
Pesë gra australiane kishin ndërmarrë veprime ligjore kundër Qatar Airways, duke pretenduar se ishin sulmuar dhe burgosur padrejtësisht.
Vitin e kaluar, Gjykata Federale e Australisë vendosi që paditëset nuk mund të ngrinin veprime ligjore kundër linjës ajrore.
Por ky vendim u rrëzua sot në apel, me tre gjyqtarë të Gjykatës Federale që vendosën që çështja duhet të shkojë në gjyq.
Kryeministri i atëhershëm i Katarit, Khalid bin Khalifa bin Abdulaziz Al Thani, shprehu “ndjesën e tij më të sinqertë për atë që përjetuan disa pasagjerë femra”.
Top Channel
