Skandal në Spanjë, ish-ministri i Financave akuzohet për mashtrim prej 11 milionë eurosh teksa ushtronte detyrën 19/07 14:48
Luftimet në jug të Sirisë i kanë marrë jetën 718 personave që nga e diela, sipas një bilanci të ri të publikuar sot nga Observatori Sirian për të Drejtat e Njeriut.
Organizata joqeveritare tha se 391 druzë ishin midis të vdekurve, përfshirë 146 luftëtarë dhe 245 civilë, përfshirë 165 “të ekzekutuar menjëherë nga anëtarët e Ministrive të Mbrojtjes dhe të Brendshme” në ditët e para të luftimeve.
Të vdekurit përfshijnë gjithashtu 287 anëtarë të forcave qeveritare siriane dhe 21 luftëtarë beduinë sunitë, përveç tre civilëve që u “ekzekutuan menjëherë nga luftëtarët druzë”, sipas organizatës joqeveritare me seli në Britani, por me një rrjet të gjerë burimesh në Siri.
Përveç kësaj, 15 anëtarë të forcave qeveritare u vranë në sulmet izraelite, sipas Observatorit Sirian për të Drejtat e Njeriut.
Qeveria siriane dhe Izraeli ranë dakord për një armëpushim nën kujdesin e Shteteve të Bashkuara të premten, por përleshjet vazhdojnë midis grupeve të armatosura të fiseve lokale dhe druzëve në hyrje të qytetit të Sëeidës, në Sirinë jugore, ku dhuna ka zhvendosur gjithashtu mijëra njerëz për gati një javë.
“Kryeministri izraelit, Benjamin Netanyahu dhe presidenti i përkohshëm sirian, Ahmed al-Sarrah kanë rënë dakord për një armëpushim”, njoftoi Tom Barak, ambasadori i SHBA-së në Turqi dhe i dërguari special i SHBA-së për Sirinë, dy ditë pas bombardimeve izraelite në Damask.
“Ne u bëjmë thirrje druzëve, beduinëve dhe sunitëve të ulin armët dhe së bashku me pakicat e tjera të ndërtojnë një identitet të ri dhe të bashkuar sirian”, vuri në dukje Barak në një postim në X.
BREAKTHROUGH —— Israeli Prime Minister @Netanyahu and Syrian President Ahmed al-Sharaa @SyPresidency supported by the U.S.A. @SecRubio have agreed to a ceasefire embraced by Türkiye, Jordan and its neighbors. We call upon Druze, Bedouins, and Sunnis to put down their weapons and…
— Ambassador Tom Barrack (@USAMBTurkiye) July 18, 2025
Presidenca siriane konfirmoi gjithashtu dje se po punon për dërgimin e një “force speciale” në rajonin e Sëeidës, në të cilin shumica e banorëve janë druzë, nga i cili kishte tërhequr ushtarët e saj një ditë më parë nën presionin izraelit.
Top Channel
