Në fokus ekonomia dhe mbrojtja, Komisioni Evropian propozon buxhet prej 2 trilionë eurosh 16/07 22:41
Bashkimi Evropian paralajmëroi të martën se mund të pezullojë skemën e heqjes së vizave për qytetarët gjeorgjianë për shkak të shtypjes së qeverisë ndaj opozitës dhe “kthimit prapa të demokracisë” në shtetin e Kaukazit.
Duhet të përmbushen kushte specifike, “dhe nëse ato nuk respektohen pa vonesë, atëherë do të na duhet të pezullojmë regjimin e përbashkët të vizave” për qytetarët gjeorgjianë që dëshirojnë të udhëtojnë në BE, tha Kaia Kalas, diplomatja më e lartë e BE-së, duke theksuar se Brukseli po i jep Tbilisit afat deri në fund të gushtit.
Zyrtarët e BE-së kanë qenë kritikë të ashpër ndaj autoriteteve në Gjeorgji për shkak të një vale arrestimesh të politikanëve, aktivistëve dhe gazetarëve që kundërshtojnë partinë në pushtet të vendit.
Brukseli thotë se masat qeveritare, si dhe ligjet që kufizojnë të ashtuquajturën shoqëri civile, po e pengojnë Gjeorgjinë të bashkohet me bllokun evropian për vendin me 3.7 milionë banorë.
Shtetet anëtare të BE-së po shtyjnë për veprime kundër autoriteteve gjeorgjiane dhe një propozim për të vendosur sanksione ndaj gjyqtarëve të përfshirë në burgosjen e figurave të opozitës ka qenë në tryezë. Por një veto nga Hungaria – kryeministri i së cilës Viktor Orban është aleat i partisë në pushtet Ëndrra Gjeorgjiane – deri më tani ka paralizuar përpjekjet për të ushtruar presion mbi Tbilisin.
Gjeorgjia fitoi statusin e vendit kandidat për anëtarësim në BE në fund të vitit 2023. Ajo kishte paraqitur një kërkesë për këtë menjëherë pasi ushtria ruse pushtoi territorin e Ukrainës në shkurt të vitit 2022.
Top Channel
