Netanyahu konfirmon arritjen e armëpushimit në Siri: Kemi krijuar një politikë të qartë 17/07 22:37
I dërguari special i SHBA-së për Ukrainën, Keith Kellogg, mbërriti sot në Kiev, tha këshilltari kryesor i presidentit ukrainas, Andriy Yermak, pas njoftimit të presidentit të SHBA-së, Donald Trump, për dërgesat e reja të sistemeve të mbrojtjes ajrore Patriot në vend.
“Ne e mirëpresim ngrohtësisht të dërguarin special të SHBA-së, Keith Kellogg, në Ukrainë”, tha Yermak në një postim në aplikacionin Telegram.
Keith Kellogg, United States Special Envoy for Ukraine and Russia, arrived in Kyiv this morning. pic.twitter.com/ZsEfoctodB
— Anton Gerashchenko (@Gerashchenko_en) July 14, 2025
“Paqja përmes forcës është parimi i presidentit të SHBA-së, Donald Trump dhe ne e mbështesim këtë qasje”, shtoi ai.
Kellogg udhëtoi sot në Kiev për të diskutuar sigurinë dhe sanksionet kundër Rusisë, vuri në dukje këshilltari kryesor i presidentit ukrainas.
“Mbrojtja, forcimi i sigurisë, armët, sanksionet, mbrojtja e popullit tonë, forcimi i bashkëpunimit midis Ukrainës dhe Shteteve të Bashkuara, ka shumë çështje për të diskutuar”, përfundoi Yermak.
Top Channel
