Trump viziton Teksasin një javë pas përmbytjeve vdekjeprurëse 11/07 21:43
Moska është ende nën ‘pushtetin’ e të nxehtit sot, pasi temperaturat arritën mbi 35 °C, duke “thyer” një rekord që kishte qëndruar për gati 30 vjet, siç njoftoi shërbimi meteorologjik.
Në kryeqytetin rus, rekordi i temperaturës për 10 korrikun ishte 33.4 gradë, i cili ishte regjistruar në vitin 1996. Dje, ky rekord u thye, me termometrin që shënoi 33.9 °C. Sot, mund të vendoset një rekord i ri, pasi meteorologët parashikojnë se temperatura do të arrijë madje 36 gradë.
Vala e të nxehtit do të vazhdojë deri në fillim të javës së ardhshme në Rusinë qendrore dhe jugore evropiane. Qendra Meteorologjike Ruse parashikon temperatura 3-8 gradë më të larta se normalet për këtë sezon.
Moscow, Russia is experiencing hot weather with 34 C today.
Many people took this opportunity to chill themselves at a pond.
July 11, 2025 pic.twitter.com/FNvBdtrVeJ
— Thunder26 (@Thunder261) July 11, 2025
Që nga fillimi i javës, kur vala e të nxehtit u vendos në Moskë, shumë banorë kanë ikur në vilat e tyre verore në periferi ose kanë kërkuar pak freski në parqet dhe shatërvanët e qytetit. Nxehtësia është veçanërisht e ashpër për ata që punojnë jashtë dhe për të moshuarit. “Është e vështirë, marr ilaçe” , tha 86-vjeçarja Valentina Alexandrovna. “Nuk mbaj mend të kem përjetuar një vapë të tillë më parë”, shtoi ajo.
Moscow, Russia, in unusual heatwave conditions, today marked 35 degrees. The guards at the Kremlin-wall are sweating. A colleague approaches , adjusts his service cap, wipes sweat from his forehead and cheeks with a handkerchief, then straightens the headgear and walked away. pic.twitter.com/TlYKuC3mLn
— sonja van den ende (@SonjaEnde) July 11, 2025
Disa lahen në pellgje dhe kanale në qytet, edhe pse autoritetet e kanë ndaluar. “Shikoni, uji është i ndotur. Ne jemi këtu sepse është më e lehtë të marrësh frymë pranë ujit. U lava një herë, dyshoj se do ta bëj përsëri ” , tha një burrë, Igor, 55 vjeç, duke vizituar Moskën nga Krimea, gadishulli ukrainas i aneksuar nga Rusia në vitin 2014.
Shkencëtarët kanë paralajmëruar prej vitesh për ndikimet që do të kenë ndryshimet klimatike, pasi fenomene të tilla si valët e të nxehtit, thatësirat dhe ngjarje të tjera ekstreme të motit do të intensifikohen dhe do të bëhen më të shpeshta.
Top Channel
