Kina krijon “bletë robotike” për spiunazh 11/07 22:45
Departamenti i Shtetit po pushon nga puna më shumë se 1,300 persona, si pjesë e një riorganizimi dramatik të agjencisë.
Shkarkimet do të prekin 1,107 zyrtarë të shërbimit civil dhe 246 zyrtarë të shërbimit të jashtëm, thuhet në njoftim, transmeton CNN. Kjo vjen në një kohë kur Departamenti i Shtetit po zbaton një riorganizim drastik si pjesë e përpjekjeve më të gjera të administratës Trump për të tkurrur qeverinë federale.
Qindra zyra dhe byro po eliminohen ose ndryshohen si rezultat i ndryshimeve.
“Rreth 3,000 anëtarë të fuqisë punëtore do të largohen si pjesë e riorganizimit”, thuhej në njoftim. Ky numër përfshin njerëzit që po pushohen nga puna, si dhe ata që largohen vullnetarisht.
“Në lidhje me riorganizimin e Departamentit të njoftuar për herë të parë nga Sekretari i Shtetit më 22 prill 2025, Departamenti po përmirëson operacionet e brendshme për t’u përqendruar në prioritetet diplomatike. Reduktimet e numrit të punonjësve janë përshtatur me kujdes për të prekur funksionet jo-thelbësore, zyrat e dyfishta ose të tepërta, si dhe zyrat ku mund të gjenden efikasitete të konsiderueshme nga centralizimi ose konsolidimi i funksioneve dhe përgjegjësive”, thuhet në njoftim.
Zyrtarët e shërbimit të jashtëm që marrin njoftime për “Reduktim të Forcës” (RIF) të premten do të vendosen në leje administrative për 120 ditë përpara se të humbasin zyrtarisht vendet e tyre të punës, sipas njoftimit. Shumica e nëpunësve civilë do të vendosen në leje për 60 ditë përpara se shkarkimi i tyre të hyjë në fuqi, thuhet në njoftim.
Top Channel
