Dështoi mbledhja jashtë radhe e këshillit bashkiak të Elbasanit e thirrur për katastrofën mjedisore të shkaktuar nga djegia e mbetjeve urbane për 6 ditë me radhë.
Duket se këshilltarët e majtë në Elbasan nuk thithin të njëjtin ajër të ndotur dhe kanë vendosur që në grup ta bojkotojnë këtë mbledhje.
Nga ana tjetër këshilltarët e djathtë dënuan bojkotin teksa deklaruan se do ta vazhdojnë kërkesën e tyre për interpelancë me drejtuesit e ECO ELB.
Teksa inceneratori i Elbasanit nuk punon prej më shumë se një viti, mbetjet urbane grumbullohen në ladfill, i cili çdo verë është përfshirë nga flakët. Situata më e rëndë ishte ajo e krijuar këtë fillim korriku ku prej 6 ditësh Elbasani u mbulua nga tymi toksik. Në të tilla kushte Elbasani kërkon zgjidhje urgjente për trajtimin e mbetjeve urbane, jo vetëm tijat, port ë 7 bashkive.
Top Channel
