Po planifikonin sulme gjatë Krishtlindjeve dhe Vitit të Ri, autoritetet turke arrestojnë 117 anëtarë të dyshuar të Shtetit Islamik pas bastisjeve në Stamboll 25/12 10:08
Moska ka lëshuar akuza të drejtpërdrejta ndaj Berlinit, dhe shprehet e bindur se Gjermania po synon të marrë pjesë në sulmet ushtarake të Ukrainës përtej kufijve rusë.
“Pas gjithë kësaj velloje fjalësh qëndron dëshira e maskuar keq e qeverisë Merz për të marrë pjesë edhe në goditjet që mbërrijnë thellë brenda territorit tonë. Berlini duket nuk e kupton se përdorimi i raketave Taurus kundër shënjestrave brenda Rusisë do të përfaqësojë për ne përfshirjen direkte të Gjermanisë në konflikt”-tha Maria Zakharova, zëdhënëse e Ministrisë së Jashtme ruse.
Më herët, kancelari gjerman Fridriech Merz e kishte lënë të hapur mundësinë e furnizimit të Ukrainës armë me rreze të gjatë veprimi, duke llogaritur këtu raketat e fuqishme Taurus.
Merz e pati pohuar pas një takimi me Presidentin ukrainas Volodymyr Zelenski në muajin maj se Gjermania është e gatshme të dërgojë raketa të tilla, vetëm se në një rast të tillë këto sisteme armësh nuk do të përdoren nga ushtarë gjermanë, por nga trupat ukrainase.
Këtë gjë, kreu i ekzekutivit gjerman e përsëriti së fundi në një emision televiziv në mediat publike vendase, e kjo solli dhe reagimin e ashpër tani të Kremlinit.
Top Channel
