Gjermania miraton projektbuxhetin për 2026, miliarda euro për mbrojtjen 30/07 13:29
Koreja e Jugut ka riatdhesuar gjashtë koreano-veriorë që aksidentalisht kishin rënë në ujërat e Koresë së Jugut në fillim të këtij viti.
Të gjashtë kishin shprehur vazhdimisht dëshirën e tyre për t’u kthyer, tha Ministria e Unifikimit e Seulit.
Dy nga koreano-veriorët kishin hyrë në ujërat jugore në mars dhe kishin qëndruar aty për katër muaj – periudha më e gjatë e regjistruar për jo-dezertorët.
Katër të tjerët janë marinarë që kaluan një kufi detar të diskutueshëm midis Veriut dhe Jugut në maj.
Ky është kthimi i parë i tillë nën presidencën e Lee Jae-myung të Koresë së Jugut, i cili kishte bërë fushatë për përmirësimin e lidhjeve ndërkoreane.
Ka pasur disa raste të mëparshme të koreanoveriorëve që lundrojnë pa dashje drejt Jugut. Ata shpesh përdorin anije të vogla prej druri që nuk mund të kthehen lehtësisht në kursin e tyre pasi të dalin nga deti.
Në të kaluarën, autoritetet në të dy vendet do të koordinoheshin për të kthyer ata që dëshironin të ktheheshin në Veri nëpërmjet kufirit të tyre tokësor.
Megjithatë, Peniani kishte prerë të gjitha linjat e komunikimit ndërkorean në prill 2023 për shkak të tensioneve të larta.
Tetë muaj më vonë, udhëheqësi i Koresë së Veriut, Kim Jong Un, deklaroi se bashkimi me Jugun nuk është më i mundur.
Të vetmet kanale komunikimi të njohura që kanë mbetur janë Komanda e Kombeve të Bashkuara e udhëhequr nga SHBA-të dhe përmes mediave të lajmeve.
Ministria e Unifikimit e Seulit tha se ishte përpjekur dy herë të informonte Veriun për qëllimin e saj për të dërguar këta gjashtë persona në shtëpi nëpërmjet Komandës së Kombeve të Bashkuara, por nuk mori përgjigje.
Top Channel
