Çfarë është “Unaza e Zjarrit” dhe ku ndodhet? Pse konsiderohet zona sizmike më e rrezikshme në planet 30/07 18:08
Gjyqi i kryetarit të bashkisë së Stambollit, Ekrem Imamoglu, i cili akuzohet për falsifikim të diplomës së tij dhe është mbajtur në paraburgim për akuza për “korrupsion” që nga marsi, është caktuar për 11 shtator, sipas Agjencisë Anadolu dhe aktakuzës së siguruar nga Agence France-Presse.
Imamoglu, rivali kryesor i Presidentit Rexhep Tajip Erdogan në zgjedhjet e ardhshme presidenciale në vitin 2028, u arrestua më 19 mars dhe që atëherë mbahet në burgun e Silivri-t. Nëse dënohet, ai përballet me deri në tetë vjet e nëntë muaj burgim dhe heqje të të drejtave të tij politike.
Sipas aktakuzës së përgatitur nga Zyra e Prokurorit të Përgjithshëm të Stambollit, Imamoglu do të dalë në gjyq më 11 shtator për “falsifikim të dokumenteve zyrtare” në lidhje me diplomën e tij universitare. Një ditë para arrestimit të tij, bordi i drejtorëve të Universitetit të Stambollit ia revokoi diplomën, që do të thotë se ai nuk do të jetë në gjendje të kandidojë për president në të ardhmen.
Ndërkohë, një gjykatë sot e vendosi kryetarin e bashkisë së qytetit të Adiyamanit në arrest shtëpiak në pritje të gjyqit, gjithashtu për një rast korrupsioni, raportoi NTV.
Abdurahman Tutdere, gjithashtu nga Partia Republikane Popullore (CHP) e opozitës, u arrestua të shtunën si pjesë e një hetimi për korrupsion në komunën jugore turke të Adiyamanit
Top Channel
