Përpjekja Trump-Erdogan për takimin SHBA-Iran dështon, mungesa e Khamenei nuk jep dritën jeshile 21/06 20:34
Në rrjet, po përhapet me shpejtësi apeli i Reza Pahlavit, djali i Shahut të fundit të Iranit, Mohammad Reza Pahlavi, i cili u rrëzua gjatë Revolucionit Islamik të vitit 1979.
Përmes një video të shpërndarë në rrjetet sociale, i biri i Shahut bën thirrje për rrëzimin e regjimit aktual në Iran, duke theksuar “nevojën për mosbindje civile pa dhunë dhe një referendum mbi rendin e ardhshëm të vendit”.
“Diskutimet tona rreth Iranit pas përmbysjes së Republikës Islamike kanë filluar. Qytetarët duhet të ngrihen e t`i japin fund këtij regjimi”, tha Reza Pahlavit.
Në disa intervista të mëhershme, Pahlavi qe shprehur se është gati të udhëheqë tranzicionin drejt një rendi të ri politik, duke e quajtur atë “mundësinë më të madhe për të rrëzuar Republikën Islamike në katër dekada”.
“Ky është momenti ynë historik”, ishte komenti i tij.
Pahlavi, i cili jeton aktualisht në SHBA, gëzon mbështetje nga një pjesë e diasporës iraniane që përkrah rikthimin e monarkisë.
Është e pasigurtë megjithatë sesa mbështetje ka një ide e tillë brenda vetë Iranit, ku shumica e popullsisë as nuk kishte lindur kur babai i tij u largua nga vendi 46 vjet më parë.
Top Channel
