Me urdhër të Rubios, pushohen nga puna 1300 punonjës në DASH, mes tyre Yuri Kim! Ish-ambasadorja në protestë, përqafim mes lotësh me kolegët 12/07 23:33
Rusia sheh ngurrim nga Izraeli për të ndjekur rrugën e zgjidhjes paqësore të konfliktit me Iranin, por gjithsesi do tentojë të luajë rolin e ndërmjetësuesit në këtë çështje, tha sekretari i shtypit të Kremlinit, Dmitry Peskov.
“Pala ruse, dhe në veçanti presidenti Putin, deklaroi se, nëse është e nevojshme, Rusia do të ishte e gatshme të ofronte ndërmjetësim. Për momentin, ne shohim një ngurrim, të paktën nga ana e Izraelit, për t’iu drejtuar çdo shërbimi ndërmjetësimi dhe në përgjithësi për të hyrë në rrugën paqësore të zgjidhjes”, tha Peskov.
“Moska deklaron gatishmërinë e saj për t’i ofruar të gjitha shërbimet e mundshme të ndërmjetësimit Iranit dhe Izraelit në zgjidhjen e konfliktit, dhe të dyja palët janë të vetëdijshme për këtë”, tha Zëvendësministri i Jashtëm i Federatës Ruse, Andrei Rudenko.
“Pati dy biseda telefonike. Njëra u zhvillua nga presidenti Vladimir Putin me presidentin iranian Masoud Pezeshkian që ditën e parë, dhe pati edhe kontakte midis ministrit të Jashtëm, Sergei Lavrov dhe homologut të tij iranian Abbas Araghchi, gjatë të cilave ata diskutuan, ndër të tjera, ndihmën e mundshme të Rusisë në parandalimin e përshkallëzimit të mëtejshëm. Ne do të jemi të gatshëm të ofrojmë të gjitha shërbimet e mundshme të ndërmjetësimit, nëse kjo është kërkesa e palëve. Të dyja palët janë të vetëdijshme për këtë”, tha Rudenko.
Top Channel
