Sazan-Karaburuni vijon të jetë një nga turet më të kërkuara edhe këtë sezon turistik, duke tërhequr vëmendjen e mijëra turistëve të huaj.
Turi përfshin ndalesën në ishullin e Sazanit, vizitë në ambientet ushtarake të dikurshme dhe pushim në plazhet e virgjëra, për të vijuar më pas drejt gjireve të Karaburunit.
Turistët vijnë nga vende të ndryshme të Evropës, ndërsa këtë periudhë dominojnë vizitorët nga Polonia, Çekia, Franca, Gjermania dhe vende të tjera të Europës veriore.
Ishulli i Sazanit, gadishulli i Karaburunit dhe plazhet e paprekura të tyre janë kthyer tashmë në një nga destinacionet më të kërkuara të rivierës shqiptare, duke kontribuar në rritjen e turizmit dhe promovimin e mëtejshëm të bukurive natyrore të vendit.
Top Channel
