Rrëzimi i avionit me mbi 200 të vdekur në Indi, reagojnë Mbreti Charles dhe Mbretëresha Camilla: Të tronditur nga ngjarja e tmerrshme! 12/06 16:28
Një sulm tronditës ka goditur komunitetin arsimor në verilindje të Francës, ku një asistente mësuese, Mélanie G, u vra nga një nxënës 14-vjeçar, jashtë shkollës Françoise Dolto në qytetin Nogent.
31-vjeçarja, nënë e një djali 4-vjeçar dhe e përshkruar si “një grua e dashur dhe e kujdesshme”, humbi jetën në spital nga plagët e marra. Ajo ndodhej jashtë shkollës duke kryer një kontroll të zakonshëm të çantave kur ndodhi sulmi fatal.
Sipas autoriteteve franceze, adoleshenti është arrestuar në vendngjarje. Motivi i sulmit mbetet ende i paqartë, ndërsa i dyshuari nuk kishte precedentë penalë apo kontakte të njohura me policinë.
Mélanie, një ish-parukiere e dekoruar për punën e saj kreative, kishte zgjedhur të ndryshonte karrierë për t’iu përkushtuar edukimit të të rinjve dhe për të ndërtuar një jetë më të qëndrueshme për veten dhe djalin e saj. Ish-klientë dhe miq janë mbledhur pranë shkollës për të vendosur lule dhe për të nderuar kujtimin e saj.
Presidenti Emmanuel Macron dënoi sulmin, duke e quajtur “një valë të pakuptimtë dhune që po godet shkollat”. Në një deklaratë në rrjetin X, ai u shpreh: “Ndërsa mbronte fëmijët tanë, një asistente mësuese humbi jetën… Kombi është në zi.”
Pas incidentit, shkolla me 324 nxënës u fut në izolim, ndërsa mësimet u pezulluan për dy ditë. Një minutë heshtje do të mbahet në Asamblenë Kombëtare për të nderuar viktimën.
Top Channel
