Një ngjarje e rëndë është shënuar në Athinë ku një punonjës i pastrimit të qytetit është dhunuar barbarisht nga pre persona, një prej tyre shqiptar.
Sipas mediave vendase dhe deklaratës së punonjësit, ngjarja ka ndodhur pasi tre të rinjtë ishin me makinë pas makinës që pastron koshat, dhe kanë tentuar që ta parakalojnë por nuk ia kanë dalë. (VIDEO)
Më pas ata kanë zbritur nga makina dhe kanë dhunuar me grushte punonjësin e pastrimit.
Për ngjarjen, janë publikuar edhe pamjet nga momenti i dhunimit. Policia bën me dije se shqiptari është identifikuar dhe shpallur në kërkim. Ai është një 34-vjeçar, me disa precedentë në Greqi.
Kjo ngjarje vjen në fakt në një moment shumë delikat në Greqi, pasi vetëm pak ditë më parë është vrarë një grua, punonjëse e shërbimit të pastrimit.
Top Channel
