Siguria në pikëpyetje, SHBA po përgatit planin për evakuimin e ambasadën e saj në Irak 11/06 20:24
Mes frikës në rritje nga një përplasje ushtarake mes NATO-s e Rusisë, ish ministri i Jashtëm gjerman, Joschka Fischer ka dalë me një propozim befasues.
Ish kreu i famshëm i diplomacisë gjermane është shprehur në favor të kthimit në shërbimin e detyrueshëm ushtarak, e madje kërkon edhe angazhimin e grave në ushtri. Fischer tha për revistën “Der Spiegel” se numri i trupave të ushtrisë gjermane është i ulët. Ai shkoi edhe më tej, duke pohuar se do të ishte dhe vetë i gatshëm të luftonte, nëse do të ishte e nevojshme, për të mbrojtur lirinë e tij.
Kjo gjë, sipas ish-zëvendës kancelarit të Gjermanisë, vlen edhe për gratë: “Ose kemi barazi ose jo”, tha ai. Në një “mea culpa” publike, ai pranoi se, nga perspektiva e sotme, qëndrimi i tij i mëparshëm kundër shërbimit të detyrueshëm ushtarak kishte qenë gabim.
Ministri i Mbrojtjes i Gjermanisë, Boris Pistorius është shprehur më herët se një kthim në shërbimin e detyrueshëm ushtarak mund të jetë i mundur në kushte të caktuara. Deri tani, qeveria planifikon të prezantojë një model të bazuar fillimisht në angazhim vullnetar. Debati është intensifikuar nga vendimet e NATO-s mbi objektivat e reja të aftësive për shtetet anëtare.
Javën e kaluar, aleanca miratoi programin më të madh të riarmatimit që nga Lufta e Ftohtë. Për Gjermaninë, kjo do të thotë deri në 60.000 ushtarë shtesë.
Top Channel
