“Fajin nuk na e ka Edi Rama”/ Dash Sula në Kuvend: Doktor hap rrugën, shijo jetën me familjen 05/06 12:23
Ilir Alimehmeti ka ankimuar në Kolegjin Zgjedhor vendimin e Komisionit të Ankimeve dhe Sanksioneve që refuzoi kërkesën e tij për rinumërimin e votave për qarkun e Tiranës.
KAS e argumentoi vendimin se Kodi Zgjedhor nuk legjitimon kandidatët e një partie që t’i drejtohen këtij organi, por vetëm subjekteve garuese, diçka e cila nuk e ka bindur Alimehmetin. Krahas kërkesës për rinumërimin e kutive, Alimehmeti kërkon nga Kolegji Zgjedhor që t’i drejtohet Gjykatës Kushtetuese për të bërë një kontroll incidental të nenit përkatës të Kodit Zgjedhor dhe rrjedhimisht kushtetutshmërisë së kërkesës.
Disa prej kandidatëve të Aleancës për Shqipërinë Madhështore në Tiranë dyshojnë në manipulime gjatë procesit të numërim të votave.
Kandidatët e listës së hapur iu drejtuan KAS-it me kërkesë zyrtare për të bërë rinumërimin. Por anëtarët e PD në KAS kanë rrëzuar ankimimin e 4 kandidatëve të PD, për kërkesat për rinumërimin e votave të tyre.
Kryedemokrati Sali Berisha tha se ata vepruan sipas ligjit pasi e ndalon Kodi Zgjedhor.
“Këta kandidatë të nderuar kanë ndjekur një rrugë të këshilluar, nuk mund të them pasi përfaqësuesit tanë ua kanë bërë të qartë edhe interpretimin e thirrjes time, që duhet t’i bëjnë nëpërmjet partisë, por brenda platformës së miratuar nga partia.
Në ç’kuptim? Në qoftë se sa partia ka kërkuar paligjshmërinë e zgjedhjeve, e para kërkesë që shqyrtohet është paligjshmëria. Pas kësaj, partia merr dhe paraqet një nga një kërkesat e kandidatëve.
Disa kandidatë që kanë kërkuar rinumërim i kanë depozituar pranë përfaqësuesve të partisë në KQZ dhe presin momentin e vlerësimit që partia ka për X qark dhe pastaj do paraqiten ankesat e tyre.
Edhe për kandidatët e Tiranës, ata u informuan dje përsëri se rruga që kanë ndjekur është një rrugë që nuk ka mbështetje ligjore.
Përfaqësuesit tanë në KAS kanë zbatuar ligjin. Ata nuk mund të votonin për një akt që është hequr me ligji. Këta të katërt kanë të drejtë të depozitojnë ankesën tanë pranë përfaqësuesve tanë në KQZ dhe ata do e paraqesin siç dëshirojnë kërkesën pranë KQZ-së.
Pra, ka qenë vetëm një keqkuptim nga ana e tyre. Në qoftë se nga unë është thënë dy herë se çdo kandidat që mendon se i duhet transparenca, do mbështetet nga partia, duhet të respektojë këtë platformë që ka përcaktuar partia në përputhje me ligjin elektoral”, ka deklaruar Berisha.
Alimehmeti ishte kandidat në listën e hapur të koalicionit opozitar, PD-ASHM, në qarkun e Tiranës. Edhe pse ai siguroi mbi 18 mijë vota, sërish mbeti jashtë Parlamentit.
Top Channel
