VIDEO/ Tërmet i frikshëm në Kili! Shkëputet energjia elektrike, mijëra familje mbeten në errësirë 06/06 23:00
Sekretari i Mbrojtjes i SHBA-së, Pete Hegseth, tha të martën se ushtria kineze po “bën prova” për një pushtim të Tajvanit, pasi Pekini ka shtuar ushtrimet ushtarake rreth ishullit, të cilin e konsideron një provincë kineze.
“Fakti që Xi ka urdhëruar ushtrinë e tij të ketë aftësinë për të pushtuar Tajvanin deri në vitin 2027 është i njohur publikisht. Ushtria Çlirimtare Popullore po rrit aftësitë e saj për këtë qëllim dhe po stërvitet çdo ditë, para se të ndërmarrë veprime”, tha Sekretari i Mbrojtjes i SHBA-së, i cili foli në e Dialogun e Shangri-La në Singapor, forumi kryesor për sigurinë dhe mbrojtjen në rajonin e Azisë.
“Kërcënimi që paraqet Kina është real dhe mund të jetë i afërt”, tha ministri, duke këmbëngulur se Pekini dëshiron të dominojë dhe kontrollojë të gjithë rajonin.
Pete Hegseth u bëri thirrje sot aleatëve të SHBA-së në rajonin e Azisë që të rrisin me shpejtësi shpenzimet e tyre ushtarake.
“Aleatët e SHBA-së në Indo-Paqësor mund dhe duhet të rrisin me shpejtësi mjetet e tyre të mbrojtjes”, theksoi ai, duke nënvizuar se “parandalimi nuk është i lirë”.
Hegseth tha se SHBA-të ishin “këtu për të qëndruar” në rajonin e Azi-Paqësorit, “teatrin prioritar” të Uashingtonit në shkallë globale.
“Amerika është krenare që po kthehet në Indo-Paqësor dhe ne jemi këtu për të qëndruar”, siguroi ai.
Top Channel
