“Trump duhet të shkarkohet, t’a zëvendësojë JD Vance”, shtatë ditët e përplasjes së Presidentit me Elon Musk 05/06 23:46
Delegacioni i ministrave arabë që duhej të takoheshin me udhëheqësit e Autoritetit Palestinez në Bregun Perëndimor, përpara se të bllokohej nga Izraeli, e ka dënuar vendimin.
Në një deklaratë të përbashkët të postuar nga ministria e jashtme e Jordanisë, grupi tha se vendimi “përfaqëson një shkelje të hapur të detyrimeve të Izraelit si fuqi pushtuese”.
“Ky pasqyron shkallën e arrogancës së qeverisë izraelite, shpërfilljen e saj për të drejtën ndërkombëtare dhe vazhdimin e masave dhe politikave të paligjshme që rrethojnë popullin vëllazëror palestinez dhe udhëheqjen e tyre legjitime”, shkruhej në deklaratë.
Që takimi të mbahej përpara, ministrat nga Jordania, Egjipti, Arabia Saudite dhe Bahreini kërkuan pëlqimin e Izraelit për të udhëtuar në Bregun Perëndimor nga Jordania.
Atyre iu mohua më vonë kjo, pasi një zyrtar izraelit e quajti takimin e propozuar “provokues”.
Ministria e jashtme e Jordanisë konfirmoi se udhëtimi në Ramallah tani është shtyrë, por pretendoi se delegacioni do të takohet nesër në Aman, kryeqytetin e Jordanisë.
Top Channel
