“Trump duhet të shkarkohet, t’a zëvendësojë JD Vance”, shtatë ditët e përplasjes së Presidentit me Elon Musk 05/06 23:46
Elon Musk komentoi në Zyrën Ovale sot në lidhje me një raportim të New York Times që pretendonte se miliarderi i teknologjisë përdorte drogë më gjerësisht sesa dihej më parë.
Musk e ndërpreu gazetarin dhe vuri në dyshim besueshmërinë e New York Times përpara se të thoshte “le të ecim përpara”.
“The New York Times? A është i njëjti botim që mori një Çmimin Pulitzer për raportim të rremë mbi Russiagate? A është e njëjta organizatë? Mendoj se është. Pra gjykatësi sapo vendosi kundër New York Times për gënjeshtrat e tyre në lidhje me mashtrimin e Russiagate, dhe se ata mund të duhet të kthejnë Çmimin e tyre Pulitzer. Për këtë New York Times po flisni? Le të ecim përpara”, tha Musk.
New York Times raportoi se Musk, i cili ka qenë i pranishëm e kudo në Shtëpinë e Bardhë si pjesë e një përpjekje të gjerë për të shkurtuar fondet federale nën Departamentin e Efikasitetit të Qeverisë po “përdorte drogë shumë më intensivisht sesa dihej më parë”, ndërsa ai mori famë në rrethin e ngushtë të Trump në 2024, duke cituar njerëz të njohur me rutinën e tij.
Gazeta vuri në dukje se nuk ishte e qartë nëse përdorimi i drogës zgjati edhe gjatë kohës që ai qëndroi pranë Trump në Shtëpinë e Bardhë këtë vit.
Në një intervistë të vitit 2024 me Don Lemon, Musk pranoi se kishte marrë “një sasi të vogël” ketamine për të trajtuar humorin negativ, me recetë, por se një ngarkesë e madhe pune e pengonte të përdorte shumë. Por Times raporton se Musk “po përdorte ketaminë shpesh, ndonjëherë çdo ditë, dhe po e përziente atë me ilaçe të tjera”, sipas njerëzve të njohur.
Top Channel
