Video/ Zemërim në komunitet! Arrestime pas sulmit ndaj vajzës me aftësi të kufizuara 23/05 22:59
Presidenti Donald Trump ka konfirmuar se Shtetet e Bashkuara do të vendosin tarifa 50% ndaj Bashkimit Evropian duke filluar nga 1 qershori, duke theksuar se nuk është i interesuar për një marrëveshje të re tregtare me Brukselin.
Në komentet e bëra të premten, Trump tha se vendimi tashmë është marrë dhe se BE-ja është “shumë e ngadaltë” në qasjen e saj ndaj tregtisë me SHBA-në. “Nuk po kërkoj një marrëveshje. E kemi vendosur marrëveshjen – është në 50%,” deklaroi ai nga Zyra Ovale.
Sipas Presidentit Trump, përjashtime nga tarifat mund të bëhen nëse kompanitë evropiane zgjedhin të ndërtojnë termocentrale në territorin amerikan.
“Nuk ka tarifë nëse ata ndërtojnë termocentralin e tyre këtu, nëse dikush dëshiron të ndërtojë një termocentral në SHBA, mund të diskutojmë për një shtyrje të përkohshme, ndërsa ata janë në proces ndërtimi – kjo mund të jetë e përshtatshme,” shtoi ai.
Lëvizja vjen mes tensioneve tregtare në rritje mes SHBA-së dhe BE-së, ndërsa administrata Trump synon të forcojë prodhimin vendas dhe të reduktojë varësinë nga importet strategjike.
Top Channel
