Lufta në Ukrainë, presidentja e Komisionit Evropian: Miratuam paketën e 17-të të sanksioneve ndaj Rusisë, po përgatisim të 18-ën 20/05 16:25
Parisi është i vendosur të njohë shtetin e Palestinës, tha sot kreu i diplomacisë franceze, duke përsëritur se kjo është në interes të palestinezëve dhe izraelitëve.
“Nuk mund t’u lëmë fëmijëve të Gazës një trashëgimi dhune dhe urrejtjeje,” deklaroi ministri francez i Punëve të Jashtme, Jean-Noel Barrot, gjatë një interviste për radion France Inter. “Pra, e gjithë kjo duhet të ndalet, dhe kjo është arsyeja pse ne jemi të vendosur ta njohim shtetin e Palestinës.”
Ai shtoi se po punon aktivisht në këtë drejtim, pasi Franca dëshiron të kontribuojë në një zgjidhje politike që është në interes të popullit palestinez, por edhe për sigurinë e Izraelit.
Njohja e shtetit palestinez nga Franca pritet të ndodhë në një samit ndërkombëtar të bashkëkryesuar nga Franca dhe Arabia Saudite, i cili do të mbahet nga 17 deri më 20 qershor. Qëllimi i samitit është të japë një shtysë të re për zgjidhjen paqësore të konfliktit izraelito-palestinez, të njohur si zgjidhja “me dy shtete”.
Ministri francez e përshkroi situatën në Gaza si “të padurueshme”, duke thënë se “dhuna e verbër, përjashtimi i ndihmës humanitare nga qeveria izraelite, e kanë kthyer Gazën në një vend pa shpirt dhe, për të mos përmendur, në një varrezë.”
“Është një shkelje e plotë e të gjitha rregullave të së drejtës ndërkombëtare,” theksoi ai, duke shtuar: “Kjo shkon edhe kundër sigurisë së Izraelit, për të cilën Franca është e përkushtuar, sepse kushdo që mbjell dhunë, korr dhunë.”
Barrot i bëri thirrje Izraelit që të lejojë hyrjen “masive” të ndihmës humanitare, “pa asnjë pengesë.” Ai kritikoi kufizimin aktual të ndihmës, duke theksuar se, megjithëse kryeministri izraelit Benjamin Netanyahu ka miratuar hyrjen e një sasie të kufizuar ndihmash, kjo ka ndodhur vetëm pas më shumë se dy muajsh e gjysmë bllokade totale të enklavës palestineze, e cila tani ndodhet në prag të një katastrofe humanitare.
Top Channel
