Negociatat për armëpushimin Ukrainë-Rusi/ Pas Putin, edhe Trump nuk do të marrë pjesë në bisedime 14/05 22:52
Të paktën 50 palestinezë, përfshirë 22 fëmijë dhe 15 gra, u vranë gjatë bastisjeve izraelite në Rripin verior të Gazës.
Sulmet, sipas Spitalit Indonezian, ndodhën gjatë natës, duke synuar shtëpitë në qytetin Jambaliya dhe një kamp refugjatësh, teksa videot që qarkullojnë në internet tregojnë të paktën një duzinë trupash ushtarak.
Në të njëjtën kohë, siç raporton BBC, shefi humanitar i OKB-së, Tom Fletcher, u bëri thirrje anëtarëve të Këshillit të Sigurimit të marrin masa për të “parandaluar gjenocidin” në Gaza, duke akuzuar Izraelin për “vendosje të qëllimshme dhe të paturpshme të kushteve çnjerëzore ndaj civilëve”.
Deklarata e tij erdhi gjatë një takimi në Nju Jork, me ambasadorin izraelit në OKB, Danny Danon, duke i quajtur akuzat “të pabaza dhe të egra”, duke këmbëngulur se sistemi i ndihmës është “i prishur” dhe po përdoret për të mbështetur Hamasin, një pretendim që si OKB-ja ashtu edhe grupi terrorist e mohojnë.
Autoritetet lokale shëndetësore thanë se një total prej 70 personash u vranë të mërkurën nga sulmet izraelite në të gjithë Gazën, me shumicën e viktimave të regjistruara në zonën e Jabalia-s. Banorët në Gazën veriore raportuan shpërthime të shumta gjatë natës, ndërsa videot e aktivistëve treguan flakë që ndriçonin qiellin.
Ndërkohë, të martën në mbrëmje, ushtria izraelite lëshoi një “paralajmërim të fundit” për banorët e Jambalia dhe pesë zonave fqinje, duke u kërkuar atyre që të evakuojnë menjëherë strehimoret në Qytetin e Gazës.
Top Channel
