Edhe “France24” i ka bërë jehonë fitores së mandatit të katërt të Edi Ramës dhe Partisë Socialiste.
“Partia Socialiste e kryeministrit shqiptar Edi Rama shënoi një fitore të madhe në zgjedhjet parlamentare, duke i siguruar atij mandatin e tij të katërt, treguan rezultatet zyrtare të martën vonë.
Partia Socialiste fitoi 52.1 përqind të votave të dielën krahasuar me 34.2 përqind për një aleancë të partive opozitare të udhëhequra nga rivali i tij kryesor Sali Berishën, sipas rezultateve të publikuara nga Komisioni Qendror i Zgjedhjeve (KQZ). Votat e diasporës ende nuk janë numëruar, por sipas rezultateve fillestare, Rama kryesonte edhe atje”, shkruan artikulli i “France24”.
Pjesë nga artikulli:
Sipas parashikimeve, Partia Socialiste mund të ketë më shumë ligjvënës sesa në zgjedhjet e vitit 2021. Në atë kohë, ajo fitoi 74 vende në asamblenë me 140 vende.
Votimi u dominua nga gara midis kryeministrit tre herë Rama, 60 vjeç, i cili e përqendroi fushatën e tij në integrimin evropian, dhe të krahut të djathtë Berishës, nga Partia Demokratike e Shqipërisë.
Të dy bënë fushatë kryesisht për çështje ekonomike, të tilla si pensionet, pagat, infrastruktura dhe turizmi.
Por pati edhe shkëmbime të ashpra kritikash mbi luftën kundër korrupsionit dhe krimit të organizuar, të cilat shihen si kërkesa thelbësore për anëtarësimin e Shqipërisë në BE. Të martën, 80-vjeçari Berisha, presidenti i parë postkomunist i Shqipërisë, bëri akuza për parregullsi zgjedhore, duke akuzuar socialistët për presion, mashtrim dhe blerje votash.
“Është e pamundur të pajtohesh me zgjedhje të tilla. Jo, harrojeni këtë,” u tha ai gazetarëve në Tiranë.
Berisha bëri thirrje për një protestë të premten, kur udhëheqësit evropianë do të takohen në Tiranë për Samitin e gjashtë të Komunitetit Politik Evropian .
Zgjedhjet u ndoqën nga afër nga BE-ja dhe u panë si një provë e pjekurisë demokratike të vendit ballkanik , deri tani më i orientuari drejt Evropës në rajon, pas dekadash diktaturë.
“Zgjedhjet u menaxhuan përgjithësisht në një mënyrë gjithëpërfshirëse dhe transparente, dita e zgjedhjeve ishte e qetë dhe e organizuar mirë, pavarësisht disa mangësive”, thanë në një deklaratë të përbashkët diplomatja e lartë e BE-së, Kaja Kallas, dhe komisionerja e Zgjerimit, Marta Kos.
Pa pritur rezultatet zyrtare, kryeministrja italiane Giorgia Meloni të martën vonë e uroi mikun e saj Rama për “riemërimin e tij si kreu i qeverisë shqiptare”.
Presidenti ukrainas Volodymyr Zelensky, kryeministri spanjoll Pedro Sanchez dhe homologu i tij britanik Keir Starmer gjithashtu e uruan Ramën për fitoren në zgjedhje.
Në votimin e së dielës, rreth 40 parti po përpiqeshin të tërhiqnin votat e një totali prej 3.7 milionë votuesish.
Top Channel
