Në një ngjarje të ndodhur mbrëmjen e djeshme në Maqellarë, pamjet e ndalimit të makinës nga Policia e Dibrës pas një telefonate për shpërndarje parash në këmbim të votave kanë qenë të tensionuara.
Veprimet e shpejta të policisë për të ndaluar makinën dhe ndërhyrjen e grupeve hetimore janë shoqëruar me reagime të forta nga mbështetësit e përfshirë në incident.
Përveç forcave të rendit, në pamje shihen edhe disa mbështetës të irrituar që janë përpjekur të ndërhyjnë dhe të pengojnë veprimet e policisë. Ky moment ka shfaqur tensionin dhe frustrimin e grupeve të ndryshme gjatë hetimeve që po zhvillohen për dyshimet e korrupsionit në zgjedhje.
Pavarësisht këtij reagimi të ashpër, Policia ka vijuar me procedurat e saj ligjore, duke siguruar një proces hetimor në përputhje me ligjin. Hetimet janë në vazhdim, ndërsa pritet që SPAK të marrë masa ligjore ndaj individëve të dyshuar për shpërndarje të parave në këmbim të mbështetjes zgjedhore.
Top Channel
