Incidente në marshimet e 1 Majit në Stamboll, policia përleshet me protestuesit, më shumë se 400 të arrestuar 01/05 16:16
Një ngjarje e rëndë ka ndodhur në qytetin japonez të Osakës, ku një burrë është arrestuar pasi ka përplasur me makinën e tij disa nxënës shkolle, ku 7 prej tyre mbetën të plagosur.
Autoritetet japoneze e kanë cilësuar incidentin si një sulm të qëllimshëm.
Fëmijët, të cilët po ktheheshin në shtëpi në momentin e ngjarjes, janë plagosur dhe janë dërguar me urgjencë në spital. Fatmirësisht, ata kanë qenë të vetëdijshëm gjatë gjithë kohës dhe nuk raportohen në rrezik për jetën.
Autori i sulmit, identiteti i të cilit nuk është bërë ende publik, ka rrëfyer gjatë marrjes në pyetje se e ka kryer qëllimisht aktin. Ai është arrestuar nga policia me akuzën e tentativës për vrasje.
Hetimet për ngjarjen vijojnë, ndërsa autoritetet po punojnë për të zbardhur motivet e këtij sulmi tronditës.
Top Channel
