Alkool, bare dhe mashtrime/ ‘Mëkatet’ e kardinalëve para izolimit për konklavën, ç’po ndodh në Vatikan pas vdekjes së Papa Françeskut 28/04 10:25
Rebelët Houthi të Jemenit thanë se sulmet në Saada që ata ia kanë fajësuar Shteteve të Bashkuara, kanë vrarë të paktën 35 persona.
“Tridhjetë e pesë trupa u nxorën nga rrënojat e një qendre paraburgimi për migrantët afrikanë, dhe ekipet e mbrojtjes civile dhe Gjysmëhënës së Kuqe po vazhdojnë përpjekjet e tyre në vendet e krimit amerikan”, raportoi rrjeti televiziv Houthi al-Massirah, duke shtuar se ka 30 të zhdukur.
Rrjeti gjithashtu citoi një deklaratë nga Ministria e Brendshme e Houthi-t që fliste për “dhjetëra të vdekur dhe të plagosur”, ndërsa vuri në dukje se 115 migrantë afrikanë po mbaheshin në qendrën e paraburgimit.
Që nga janari dhe rikthimi i Donald Trump në presidencë, Shtetet e Bashkuara kanë intensifikuar operacionet e tyre ushtarake kundër Houthi-ve në Jemen, duke synuar t’i japin fund sulmeve të tyre ndaj Izraelit dhe transportit ndërkombëtar në Detin e Kuq.
Bastisja më vdekjeprurëse amerikane deri më tani ishte ajo që ndodhi më herët në prill kundër një terminali të eksportit të naftës në Detin e Kuq, e cila kushtoi jetën e të paktën 74 personave.
Forcat e armatosura amerikane njoftuan dje, se kanë goditur mbi 800 objektiva në Jemen që nga 15 marsi.
Top Channel
