Alkool, bare dhe mashtrime/ ‘Mëkatet’ e kardinalëve para izolimit për konklavën, ç’po ndodh në Vatikan pas vdekjes së Papa Françeskut 28/04 10:25
Tre fëmijë, që janë shtetas amerikanë u deportuan në Honduras me nënat e tyre javën e kaluar, duke përfshirë një 4-vjeçare që po trajtohej për kancer metastatik, sipas avokatëve të familjeve dhe organizatave të mbrojtjes së të drejtave civile dhe imigracionit.
Po ashtu, një grua u depërtua me djalin e saj 2 vjeç, ndërsa një tjetër me dy fëmijët, 4 dhe 7 vjeç, tha në një njoftim për shtyp Unioni Amerikan i Lirive Civile dhe Projekti Kombëtar i Imigrimit.
Sipas avokatëve, gratë u ndaluan teksa zhvillonin një takim rutinë me zyrtarët në Luiziana, si pjesë e Programit Intensiv të Paraqitjes së Mbikëqyrjes.
Avokatët e familjeve thonë se largimet e tyre nga Shtetet e Bashkuara ngrenë shqetësimet për mungesën e procesit të duhur mes goditjes së imigracionit të administratës Trump.
CNN, që ka kontaktuar me Emigracionin dhe Zbatimin e Doganave të SHBA për koment, raportoi më herët për rastin e 2-vjeçares, e cila u mor në paraburgim të martën me nënën e saj dhe motrën 11-vjeçare ndërsa “po merrte pjesë në një kontroll rutinë”.
Gjykatësi tha se nëna ishte pa dokumente, por vendosi një seancë dëgjimore për 16 maj në lidhje me dëbimin e fëmijës, duke vënë në dukje “është e paligjshme dhe antikushtetuese të dëbosh, të ndalosh për dëbim ose të rekomandosh dëbimin e një shtetasi amerikan”, duke përmendur një rast dëbimi të vitit 2012 .
Rasti i dytë është një jehonë e ngushtë: nëna u ndalua të enjten pasi ajo i çoi fëmijët e saj në një kontroll të ISAP-it në Saint Rose, pak jashtë New Orleans, sipas avokatit të saj, Erin Hebert. Nënës, e cila ka jetuar në Luizianën jugore për më shumë se një dekadë, por nuk kishte status të ligjshëm, iu kërkua të sillte dy fëmijët dhe pasaportat e tyre në takim, tha avokati Erin Hebert për CNN të dielën.
Megjithatë, me të mbërritur, Hebert tha se nuk i lejohej të shoqëronte familjen në takim. Rreth 20 deri në 30 minuta më vonë, Hebert u informua se familja ishte ndaluar, por zyrtarët refuzuan t’i tregonin asaj se ku ishin çuar.
Top Channel
