11 subjekte zgjedhore për garën e 11 majit, mes tyre edhe parti të reja të krijuara.
Si po e zhvillojnë fushatën këto forca politike dhe a do të arrijnë ato të bëhen pjesë e Parlamentit të ri?
-A e njihni Adriatik Lapajn?
Qytetari: Jo, goxha kundra politikës.
Adriatik Lapaj: Kundër, por politika merret me të nga mëngjesi deri në darkë.
Qytetari: Po e ndryshuan të rinjtë, faleminderit zotit.
-A e njihni Agron Shehajn? Qytetari: Nëpërmjet televizorit, më duket shumë i djathtë.
Shehaj: Duhet të jetë i majtë.
Qytetari: Populli është i majtë.
Shehaj: Se ndjek fare politikën? Qytetari: Për kë të votoj? E njoh por s’dua asnjë!
Qytetari: I drejtë, I ri, aktiv duhet ti ndëshkosh.
Si kryetarë për herë të parë në një fushatë zgjedhore parlamentare, Adriatik Lapaj i Shqipëria Bëhet, Agron Shehaj i Partisë Mundësia dhe Arlind Qorri i Lëvizja Bashkë bashkohen në mënyrat e komunikimit me zgjedhësit: duke i kërkuar në çdo qoshe të territorit shqiptar; ndryshe nga mitingjet e mëdha të organizuara nga PS dhe PD.
“Mbështetja që po gjejmë është disa herë më e lartë. Po shkojmë në cdo cep të Shqipërisë, nëpër qytete, fshatra. Po ju biem dyerve të njerëzve, po flasim me qytetarë të thjeshtë, tregtarë, pensionistë, të rinj, punëtorë, gjithëkënd që gjejmë në rrugë. Strategjia jonë është që të shkojmë ne te populli, jo të presim të vijnë ata te ne. Bisedojmë, marrim problemet që ata na japin. Nuk ju kërkojmë votën drejtpërdrejtë, por maksimumi ju them: Na dëgjo”-shprehet Arlind Qori.
“Çdo ditë takime, 2-3 ka ditë edhe 4 takime në zona të ndryshme të vendit. Njerëzit po na presin goxha mirë, kini parasysh që jemi subjekt i ri edhe mbështetësit presionohen nga i gjithë enturazhi i vjetër politik. Ne po ndajmë programin, shtëpi më shtëpi, lagje më lagje. Ndërkohë po zhvillojmë aktivitet në rrjete sociale, me live bashkëbisedime”-shprehet Lapaj.
“Ne mendojmë që të gjithë e kanë mendjen te politika, pjesa më e madhe nuk do tia dijë fare për politikë. Kemi stenda të tilla për informim program 6 në Tiranë, plus nga 1 për cdo rreth. Sidomos jemi aty ku janë qytetarët. Ka shumë gjasa që ky të jetë hapi më i vështirë dhe e i ngadaltë, të hyjmë në Parlament”-shprehet Shehaj.
Veç luftës me partitë e mëdha, fokusi i tyre mbetet edhe forcimi i opozitës dhe tërheqjen e elektoratit gri.
Top Channel
