“Maliqi, bastion i palëkundur i PS”/ Rama: 11 maji, përtej ngjyrave partiake! T’i japim mbështetje negociatave për anëtarësim në BE 19/04 11:48
Kryeministri Edi Rama zhvilloi një takim me vajzat dhe gratë e qytetit të Lezhës.
Gjatë fjalës së tij, ai u ndal te zgjedhjet e 11 majit dhe negociatat e Shqipërisë drejt Bashkimit Evropian.
Po ashtu nuk munguan as batuta nga ana e kryesocialistit, i cili tha se “gjyshi rrotullohet në varr kur sheh nipin që voton për bufin e kënetës”, (referuar Sali Berishës).
“Ne kemi shumë rrugë për të bërë, por ka shumë rëndësi që gratë, nënat shqiptare, nënat e reja të kuptojnë se sa themelore është që më 11 maj, populli shqiptar t’i kapërcejë kufijtë që ndajnë njerëzit në një palë zgjedhje. Përgjithësisht zgjedhjet janë mundësi për të vendosur mes disa alternativa për 4 vite. Por ka zgjedhje që janë takim me historinë, 11 maji është takimi i dytë me historinë e shqiptarëve. Takimi i parë ishte më ’91-92, ku shqiptarët shkuan votuan PD, një pjesë e nuk ishin me PD. Votuan në masë për PD dhe në korrik, gusht kur u bënë zgjedhjet vendore, shumica votuan kundër PD. Në mars, në zgjedhjet e përgjithshme, populli kuptoi që ai ishte momenti dhe ato zgjidhje ishin momenti për të hedhur një votë për të ndarë historinë.“, tha Rama.
Më tej Rama shtoi “Hapet një kapitull tjetër që shqiptarët e kishin ëndërruar, ky ishte 22 marsi. Sot 11 maji është momenti, vendi, ku populli të marrë një vendim për t’i vazhduar pa ndalur dhe ndërprerë negociatat me BE-në dhe për ti mbyllur në 2027, apo për të ngatërruar mes nesh kënetën dhe moçalet që janë një mundësi zgjedhje në 11 maj. Këtë duhet të ndajnë njerëzit. Patjetër që disa do thonë ‘Shqipëria do shkojë në BE si me Ramën, si pa Ramë’. Nëse nuk është PS dhe unë me ju në detyrë deri kur të mbyllim këtë proces, Shqipëria nuk shkon në BE me asnjë tjetër për një kohë që mund të jetë shumë më e gjatë se ç’mund të mendojmë sot. Unë e di historinë dhe përpiqem të kuptoj. Kini parasysh, Maqedonia e Veriut është bërë kandidate e BE në 2005. Iu hap një derë atëherë dhe u mbyll dhe është ende e mbyllur. Mali i Zi i ka hapur negociatat në 2012, është akoma sot te dera. Kur kemi filluar ne këtë përpjekje e kishim Malin e Zi shumë përpara, sot jemi në një vijë me ta. Ishte para edhe Serbia, sot është prapa nesh, ne i kemi hapur negociatat vjet. Jemi treguar dibran, se dibran është bërë sinonim i fjalës ‘i zgjuar’, ne punonim që kur të vinte dita të hapnim negociatat të ishim përpara. BE ka nevojë për anëtarë të rinj dhe ne gjendemi aty, ndaj BE na ka vënë në tavolinë dhe na ka sfiduar me një plan për tre vite. S’ka bërë vaki. Ku e dimë ne që pas 2-3 vitesh kjo nuk ndryshon. Nëse nuk kapim 2027, na mbyllet dera. Treni i historisë na ka ndaluar përpara dhe nisja është më 11 maj. Fati europian i Shqipërisë ishte dhe i yni në këtë moment. Nëse i mbyllim negociatat në 2027 jemi në BE sepse janë dy vitet për gjithë ratifikimet në Parlamente dhe procesi mbaron me këtë Komision Europian. Ia vlen të hedhim bast midis partish këtu, ndërkohë që basi është i Shqipërisë me Europën dhe Europës me Shqipërinë.
Çfarë fiton ai djali që është te parkingu? Djali aty është demokrat. Çfarë vjen për të? Asgjë më e mirë nuk vjen. Që vjen më keq? Boll të shohësh. Kur kukumjaçkat klithin, nuk klithin për të sjellë lajme të mira. Edhe ata duhet ta bëjnë këtë sforco dhe të kuptojnë se nuk është çështja sa të pëlqen Ulsiu, Rama, Ndreu apo tjetri. Ne kemi skuadrën më të re dhe më të vjetrën. Kush do të rinj, ka të rinj, kush do vajza, ka vajza, kush do djem, ka djem. Për ata që e kanë kokën e fortë dhe thonë ‘s’ia jap votën PS’, atëherë mos jep.
Po hedh fjalën, s’po bëj fushatë për ty. Mos voto PS nëse e ke shumë problem. A thua ia kam pushkatar unë gjyshin me Ulsiun. Bufi i kënetës, buf i Partisë së Punës. Atë e kanë në rregull ta shohin për gjyshin, por nuk e di që gjyshi rrotullohet në varr kur sheh nipin që voton për bufin e kënetës. Na duhet që të flisni dhe të mos i ndaheni rrethit familjar. Kunatave sidomos, se kunatat janë më të rrezikshme. Mos iu ndani shoqeve të punës, shoqeve të shoqeve, dhe të organizoni komplotin më të madh ndaj burrave.
Dua t’ju siguroj që do bëjmë më shumë seç kemi bërë. Në këtë mandat për Lezhën kemi bërë ca nuk është bërë më para. Kemi pasur edhe fatin që fatin e kemi bërë vetë që të kemi një kryetar bashkie që ndajmë jo vetëm vizionin por edhe qasjen. Ça i është bërë Kurbinit këto vite zor e gjen se i është bërë ndonjë qyteti tjetër. E çfarë i është bërë Lezhës, zor si i është bërë gjithë vitet e marra bashkë.”
Top Channel
