Ivanka Trump tregon aftësitë në sërf gjatë pushimeve të saj në Kosta Rika 18/04 23:01
Brigadat Al-Quds, krahu i armatosur i Xhihadit Islamik, publikuan një video të një pengu izraelit, Rom Braslavsky, i cili po mbahet në Rripin e Gazës.
21-vjeçari, i cili u rrëmbye më 7 tetor 2023 nga festivali i muzikës Nova, kërkon lirimin e tij dhe denoncon mungesën e komunikimit nga qeveria izraelite.
Në video, Braslavsky, i cili shfaqet jashtëzakonisht i dobët dhe i shqetësuar, shpreh zhgënjimin e tij me premtimet e liderëve izraelitë, duke theksuar ankthin e tij për situatën në të cilën ndodhet.
Ai akuzon kryeministrin izraelit, Benjamin Netanyahu dhe presidentin amerikan, Donald Trump se nuk i kanë përmbushur premtimet e tyre dhe bën thirrje për lirimin e menjëhershëm të tij.
“Ti, Netanyahu, je ulur i sigurt në shtëpinë tënde, ndërsa unë jam i bllokuar këtu”, thotë ai, duke u bërë thirrje liderëve të ndërmarrin veprime. Në video ai shpreh edhe dëshpërimin e tij për kushtet e vazhdueshme në Gaza, ndërsa përshkruan bombardimet e përditshme dhe ndjenjën se bomba e radhës mund të bjerë mbi të.
Nëna e tij, Tami Braslavsky, tha se ishte e tronditur kur mësoi për videon përmes mediave dhe denoncoi mungesën e komunikimit nga qeveria izraelite.
Vëllai i Romit, Amit, shprehu pakënaqësinë e tij për indiferencën e qeverisë, duke denoncuar “braktisjen” dhe “sjelljen e turpshme”.
Videoja, e cila vjen 558 ditë pas rrëmbimit të tij, është shenja e dytë e jetës për Rom Braslavsky dhe tregon vështirësitë me të cilat ai përballet si peng në Gaza.
Rom Braslavski’s family has authorized the release of only the short, blurred video that was published by Islamic Jihad.
At this stage, the family does not authorize the release of the full video or any images from it. pic.twitter.com/nKLSexIiv2
— Bring Them Home Now (@bringhomenow) April 16, 2025
Top Channel
