Dy punonjësit e IMT-së, që u denoncuan në emisionin investigativ “Fiks Fare”, pasi i kërkuan 4 milionë lekë të vjetra një qytetari, në këmbim se do i legalizonin objektin, janë proceduar në gjendje të lirë nga.
Specialistët e Seksionit për Hetimin e Krimeve Ekonomike-Financiare referuan materialet në Prokurori për shtetasit R. Xh., 35 vjeç dhe M. L., 34 vjeç, me detyrë inspektorë të IMT, Tiranë, pasi u shfaqën në pamje filmike në emisionin “Fiks Fare”, duke i kërkuar një shumë parash, një 48-vjeçari, me pretendimin se do t’i legalizonin shtesën e një objekti që kishte në pronësi.
Gjithashtu, 48-vjeçari ka kallëzuar në Policinë e Tiranës, për këtë rast. Pas konsultimit me prokurorin, u vendos procedimi në gjendje të lirë i shtetasve R. Xh. dhe M. L., për veprën penale “Shpërdorimi i detyrës”.
Top Channel
