Parashikimi i motit për sot, si pritet të jetë kjo e hënë 07/04 07:23
Për herë të parë në Shqipëri do të kalojë një shteg malor europian.
Presidenti i “European Hiking Federation” Boris Micic në një takim zyrtar me presidentin e Federatës Shqiptare të Alpinizmit bëri me dije se E6 është një nga rrugët malore europiane e cila do të hyjë në Shqipëri nga Shkodra përmes Malit të Zi dhe kilometrat e parë do të realizohen këtë vit kalendarik.
“Tashmë kemi shansin dhe mundësinë që një rrugë europiane të kalojë në Shqipëri. Disa vite më parë në një takim kemi vendosur që dy rrugë europiane të kalojnë në vendet e Ballkanit. Kemi vendosur tashmë që në Shqipëri të kalojnë rrugët E 6 dhe E 12.
E 12 do të kalojë përgjatë detit Mesdhe, por sot nuk do të flasim për të sepse këtë vit kemi vendosur të promovojmë rrugën E 6. Kjo rrugë do të hyjë në Shqipëri nga Shkodra përmes Malit të Zi.
Sot kemi ardhur këtu për të bërë të diskutuar për zhvillimin e E6. Është shumë e rëndësishme sot të anoncojmë se kilometrat e para të E6 në Shqipëri do të realizohen që këtë vit”, tha Boris Micic, presidenti i Federatës Europiane të Hiking-ut.
Federata Europiane e Hiking (ERA) e formuar në 1969 ka arritur të krijojë 12 rrugë europiane me gjatësi totale 70 mijë kilometra, shumë pak prej tyre kalojnë në ballkan dhe deri tani asnjë në Shqipëri. Krijimi i shtigjeve malore pritet të ndikojnë në zhvillimin e turizmit për të gjithë të apasionuarit e hiking.
Top Channel
