Paralajmëron Zelensky: Rusia po përgatit diçka në Bjellorusi! Kështu fillojnë sulmet e reja 30/04 09:40
Sekretari i Jashtëm britanik, David Lammy, ka akuzuar autoritetet izraelite për deportimin e dy deputeteve femra laburiste, Ewan Young dhe Abdisham Mohamed, pasi ato u arrestuan kur mbërritën në aeroportin ndërkombëtar Ben Gurion në një udhëtim zyrtar ndërkombëtar.
“Është e papranueshme, kundërproduktive dhe thellësisht shqetësuese që dy anëtarë të parlamentit britanik, të cilët ishin pjesë e një delegacioni parlamentar që udhëtoi për në Izrael, u ndaluan dhe iu ndalua hyrja nga autoritetet izraelite”, nënvizoi kreu i diplomacisë britanike.
“Unë ua kam bërë të qartë homologëve të mi në qeverinë izraelite se kjo nuk është mënyra për të trajtuar anëtarët e Parlamentit britanik, me të cilët kemi kontaktuar dhe kemi shprehur mbështetjen tonë”, vazhdoi ai.
Ministri britanik kujtoi se “qeveria e Mbretërisë së Bashkuar mbetet e fokusuar në rikthimin e armëpushimit dhe negociatave për të ndaluar gjakderdhjen, lirimin e pengjeve dhe përfundimin e konfliktit në Gaza”.
Diplomacia britanike nuk dha detaje të tjera.
Duke cituar një deklaratë nga Ministria e Imigracionit të Izraelit, Sky News TV raportoi se dy gratë u akuzuan për “regjistrimin e aktiviteteve të forcave të sigurisë dhe përhapjen e urrejtjes anti-izraelite” .
Të mërkurën e kaluar, nënsekretari britanik i Shtetit për Punët e Jashtme, James Falconer denoncoi zgjerimin e operacioneve ushtarake të Izraelit në Rripin e Gazës dhe theksoi se ai ishte “thellësisht i shqetësuar” për rifillimin e armiqësive.
“Politika e qeverisë britanike dhe ajo e qeverisë izraelite janë të ndryshme. Dallimet do të mbeten derisa të gjejmë sërish rrugën drejt zgjidhjes me dy shtete”, shtoi zëvendësministri përpara Komisionit të Punëve të Jashtme të Dhomës së Komunave.
Top Channel
