Këshilli i Lartë gjyqësor kërkon që ambientet ku do të gjykohet në 26 salla me qira të jenë jo më larg se tre kilometra larg qendrës së kryeqytetit.
Ndërkohë që sipërfaqja totale e godinave të kërkuara ku do të zhvendoset gjykata e apelit të jetë mbi 7 mijë metra katrorë.
Gjykata e Apelit e vetmja në rang vendi nuk do të zhvendoset, ajo që të vijojë në të njëjtat ambiente.
Sipas këtij vendimi të këshillit të ministrave, drejtoria e tatimpaguesve të mëdhenj në Tiranë kalon në pronësi të Këshillit të Lartë Gjyqësor, për tu përshtatur më pas në një gjykatë. Zyrat do t’i bashkëngjiten Gjykatës së Apelit që gjendet në të njëjtën zonë.
Ekspertët kanë vlerësuar se nuk ndodhë një zhvendosje me qira e një gjykate mbasi do përballeshin me probleme sigurie për shtetasit e arrestuar dhe të paraburgosur që presin seancat në gjendje arresti.
Megjithatë vazhdojnë të pazgjidhura dy çështje të tjera. Njëra është mungesa e 50 gjyqtarëve në apel, ndërsa janë në detyrë vetëm 28 .
Me aplikimin e hartës së re gjyqësore vazhdimisht ekspertët kanë ngritur shqetësimin për mungesën e ambienteve ku mbahen qindra seanca gjyqësore në ditë , të qytetarëve që udhëtojnë nga qytetet e ndryshme drejt Tiranës
Nga ana tjetër sikurse edhe në gjykatat e tjera, vetëm në apel stoku i çështjeve ka mbërritur në 42 mijë çështje që presin.
Top Channel
