Përfshihet nga flakët autobusi i linjës Sarandë-Tiranë, shkak defekti në motor/ Momenti kur mjeti shkrumbohet

05/04/2025 12:26

Rreth orës 11:40, pranë tunelit të Skërficës, një autobus i linjës Sarandë-Tiranë ka marrë flakë gjatë ecjes, si pasojë e një defekti në motor.

Autobusi, me drejtues shtetasin G. A., ishte duke udhëtuar me pasagjerë në momentin e incidentit.

Sipas autoriteteve, fatmirësisht, nuk ka pasur të lënduar, dhe ngjarja ka shkaktuar vetëm dëme materiale. Grupi hetimor është në vendngjarje dhe po punon për zbardhjen e plotë të rrethanave të këtij incidenti.

“Sot, rreth orës 11:40, pranë tunelit të Skërficës, dyshohet se, si pasojë e një defekti në motor, ka marrë flakë në ecje një autobus me udhëtarë, i linjës Sarandë-Tiranë, me drejtues shtetasin G. A.

Si pasojë, janë shkaktuar vetëm dëme materiale dhe nuk ka persona të dëmtuar. Grupi hetimor ndodhet në vendngjarje dhe po punon për zbardhjen e plotë të rrethanave të rastit”, sipas njoftimit të policisë.

Top Channel

PORTOKALLI Portokalli - AG SHOW - Bileta