Banda e ‘skifterëve’ të Fushë Krujës/ Vihet në pranga 33-vjeçari, vodhi dy biznese me 6 të tjerë

05/04/2025 11:35

Një tjetër anëtar i bandës së ‘skifterëve’ të Fushë Krujës ka rënë në prangat e policisë.

Shërbimet e Komisariatit të Policisë Krujë, bazuar në informacionet e marra nga inteligjenca policore ndaluan shtetasin F. B(D)., 33 vjeç, banues në Kamzë.

Ky shtetas ishte shpallur në kërkim më datë 02.04.2025, në kuadër të operacionit “Formacioni”, sepse dyshohet se në bashkëpunim me 6 shtetas të tjerë, kanë vjedhur në 2 biznese në Fushë Krujë, më datat 27 dhe 28 mars 2025.

Punohet për kapjen e shtetasit të fundit të shpallur në kërkim në kuadër të operacionit, si dhe për zbardhjen e vjedhjeve të tjera që mund të kenë kryer këta shtetas.

Materialet procedurale iu referuan Prokurorisë së Tiranës, për veprime të mëtejshme.

Top Channel

PORTOKALLI Portokalli - AG SHOW - Bileta