Negociatat për paqe, i dërguari i Presidentit Donald Trump takohet në Moskë me Putinin 25/04 14:31
Autorizimi elektronik i njohur si ETA nuk është vizë dhe nuk të lejon në vetvete hyrjen në Britani, pasi është një leje digjitale për të udhëtuar drejt Britanisë, e cila pas aprovimit i atashohet në mënyrë elektronike pasaportës së udhëtarit.
Por për këtë autorizim, që kushton momentalisht vetëm 10 sterlina për të aplikuar, por që mund të shkoj në 16 pas javës së ardhshme, nuk kanë nevojë të kesh ETA ose autorizimin digjital; nëse ke vizë, nëse ke leje për të jetuar dhe punuar apo studiuar në Britani, përfshi këtu ata që kanë status ose parastatus qëndrimi si shtetas te BE-se, apo që kanë të drejtën e banimit në Britani.
Po ashtu nuk kanë nevojë për këtë autorizim ata që kalojnë tranzit nga aeroportet britanike dhe nuk kalojnë përmes kontrollit kufitar. Por gjithsesi këshillohet që të verifikohet me linjat ajrore të udhëtimit nëse udhëtaret nuk janë të sigurt.
Nuk ke nevoje për këtë autorizim nëse je shtetas britanik ose irlandez. Mënyra më e mirë për te aplikuar për marrjen e ETA-s është përmes aplikacionit UK ETA, ose përmes uebsajtit të qeverisë britanike. Zakonisht autorizimi jepet brenda disa minutash, në rastet kur bëhet përmes aplikacionit megjithatë udhëtarët këshillohen t’i japin tre dite kohë vetes pasi një numër i vogël rastesh kërkojnë procedure të mëtejshme.
Aplikimi për marrjen e autorizimit digjital, i njëjti si ai kur udhëton në Shtetet e Bashkuara, përfshin pagimin e tarifës, dhënien e të dhënave të kontaktit dhe pasaportës, një foto të vlefshme dhe përgjigjen e disa pyetjeve.
Për aq kohë sa aplikon përpara udhëtimit, mund të udhëtohet drejt Britanisë ndërkohë qe pritet vendimi. Kjo lejë elektronike ka afat dy vjeçar dhe të lejon të udhëtosh shumë herë drejt Britanisë brenda kësaj periudhe dy vjeçare dhe për qëndrime deri gjashtë muaj brenda kësaj periudhe dy vjeçare ose derisa të skadojë pasaporta.
Top Channel
