“Thoni ‘PO’ ose tërhiqemi nga negociatat”, SHBA rrit presionin ndaj Ukrainës, Marco Rubio anulon pjesëmarrjen në samitin e Londrës 23/04 11:40
Kreu i “Shqipëria Bëhet”, Adriatik Lapaj ka dorëzuar në Gjykatën e Posaçme një padi për shpifje ndaj kreut të partisë “Mundësia”, deputetit Agron Shehaj.
Kryetari i “Shqipëria Bëhet” i quan shpifje akuzat e bëra nga Shehaj, që pretendon se ‘Lapaj si avokat ka përfaqësuar kompani të krimit që janë sekuestruar nga SPAK dhe se ai ka marrë para nga këto kompani”.
Sipas Lapajt, ka të paktën 8 raste të dokumentuara të shpifjes, që i cilëson të pavërteta dhe denigruese ndaj figurës së tij profesionale dhe publike.
“Unë kam shtrirë dorën për bashkëpunim ndaj Shehaj për 8 muaj, por kam marrë vetëm baltë dhe shpifje. Sulmi i tij ndaj meje ka qenë aq i ashpër sa nuk e kemi parë ta bëjë as ndaj atyre që kanë vjedhur Shqipërinë për 34 vjet. Unë nuk kthehem pas. Luftën time e kam me sistemin dhe pushtetin, por kushdo që më sulmon duke shpifur ose në çdo mënyrë tjetër, do të marrë përgjigjen rast pas rasti”, tha Lapaj.
Top Channel
