Prindërimi i munguar, sociologët: Kemi kaluar në braktisjen edukative të fëmijëve
29/03 21:56
Korporata e Investimeve Shqiptare ka rihapur thirrjen për projektin e Bibliotekës së re Kombëtare që do të ndërtohet në zonën e ish-“vilave gjermane”.
Thirrja e parë e hapur më 10 janar të këtij viti u anulua për shkak se nuk pati oferta të suksesshme.
“Arsyeja për anulim është: numri i pamjaftueshëm i aplikimeve të dorëzuara për Fazën I të procedurës konkurruese brenda afatit për dorëzimin e aplikimeve të përcaktuar në Dokumentin e Kualifikimit”, njoftoi Korporata e Investimeve.
Korporata e investimeve njofton se afati i ri për paraqitjen e aplikimeve nga ana e subjekteve është data 7 Prill 2025. Gara për këtë thirrje zhvillohet në 2-faza, e para ku propozohen idetë për godinën e re të Bibliotekës Kombëtare dhe e dyta është faza e dytë është e ofertës financiare për këtë projekt të ri.
Në njoftimin mbi këtë projekte Korporata e Investimeve thotë se: “investimi synon konceptimin dhe projektimin e një zhvillimi multi-funksional në zonën e ish-“vilave gjermane”, një lokacion i rëndësishëm në kryeqytet, i njohur për urbanizimin dinamik dhe afërsinë me një numër destinacionesh dhe nyjesh kryesore zonën urbane përreth tij, duke e kthyer në një qendër multi-funksionale për të rritur efikasitetin funksional dhe për të kontribuar në vlerë të shtuar në jetën sociale dhe në ekonominë të qytetit të Tiranës”./ TAR
Top Channel
